DEPORTES I 🌿🚶‍♀️ Laxe e Vimianzo continúan a poñer en valor os Penedos de Pasarela e Traba cunha andaina guiada
O Concello de Vimianzo e o Concello de Laxe organizan por segundo ano consecutivo unha andaina conxunta pola Paisaxe Protexida dos Penedos de Pasarela e Traba, unha iniciativa que busca dar a coñecer e poñer en valor un dos espazos naturais máis singulares da Costa da Morte.
A actividade, incluída na programación de Recunchos 2026, celebrarase o sábado 11 de xullo e estará guiada polo xeólogo Xan Fernández Carrera, quen achegará ás persoas participantes as claves para comprender a riqueza xeolóxica, paisaxística e natural deste enclave.
A saída terá lugar ás 9:30 horas desde o cruce do Bañal e o percorrido, de 5,4 quilómetros, desenvolverase polo concello de Laxe. A chegada está prevista arredor das 14:00 horas no mesmo punto de inicio.
As inscricións permanecerán abertas ata o xoves 9 de xullo a través da seguinte ligazón: https://forms.gle/6opuxtUhrfNwgp777 ou nas páxinas web dos concellos de Vimianzo e Laxe.
📍 Unha nova oportunidade para descubrir os tesouros naturais que compartimos e seguir explorando os recunchos máis especiais do noso territorio.