DEDORTES I ⚽️ Vimianzo foi esta fin de semana a capital do fútbol base coa celebración do I Torneo Internacional Camiño dos Faros.
Desde o Concello queremos agradecer aos organizadores e aos clubs participantes por escoller a nosa vila para acoller unha cita deportiva que reuniu canteiras de gran nivel e que contribuíu a situar Vimianzo como referente na promoción do deporte base.
👏 Parabéns ao equipo xuvenil do CD Leganés, vencedor do torneo tras superar ao RC Celta de Vigo por 3-2 nunha emocionante final.
A entrega de trofeos contou coa presenza do tenente de alcaldesa, Víctor Muíño, quen felicitou aos equipos participantes e puxo en valor a importancia deste tipo de eventos para fomentar os valores do deporte, a convivencia e a dinamización do noso territorio.
💙 Grazas a todas as persoas que fixeron posible esta primeira edición e a quen se achegou a desfrutar dunha gran fin de semana de fútbol.
#Vimianzo #CamiñoDosFaros #FútbolBase #Deporte #VimianzoDeporte